အောက်တိုဘာ ရက်(၅)
ဆရာများနေ့ ဂုဏ်ယူတွေးလို့
စာတိုတစ်ပုဒ် ကျွန်ရွေးထုတ်သည် တစ်စိတ်တစ်ဒေ ကျေပါစေ။
အတတ်လည်းသင်၊ ပဲ့ပြင်ဆုံးမ၊
သိပ္ပမချန်၊ ဘေးရန်ှဆီးကာ၊
သင့်ရာအပ်ပို့၊ ဆရာတို့၊
ကျင့်ဖို့ ၀တ်ငါးဖြာ။
ဆရာသမားများသည် သူတို့၏ ကျင့်ဝတ်အတိုင်း တပည့်သားသမီးများအပေါ် တာဝန်ကျေပွန်စွာ ကျင့်ကြံအားထုတ် သူ့အလုပ်သူလုပ်သွားကြပေသည်။ အနည်းငယ်ချဲ့ရသော် မိမိတို့၏ တပည့်သားသမီးများကို မိမိသိထားတတ်ထားသော ပညာဟူသမျှ အကုန်အစင် သင်ကြားပေးလေသည်။ လိမ္မာပြီးသော မလိမ္မာသေးသော လိမ္မာဆဲသော တပည့်သားသမီးများအပေါ် လိမ္မာယဉ်ကျေးပြူငှာအောင် ဆုံးမပေးလေသည်။ ဆရာသမားများသည် မိမိတို့ တတ်ထားသော ပညာမှန်သ၍ မည်သည့် ပညာမှ ချန်လှပ်ထားခြင်းမရှိပဲ ကိုယ့်တပည့်သည် ကိုယ့်ထက် ထက်သောဓါးကဲ့သို့ သွေးပေးသော ဆရာများဖြစ်ကြပေသည်။ မိမိ၏တပည့်သားသမီးများအပေါ်၌လည်း ကျရောက်မည့် ဘေးအန္တရာယ်များကိုလည်း မကျရောက်ရလေအောင်၊ တပည့်များက ပြုလုပ်မည့် ဘေးအန္တရာယ်များကိုလည်း မပြုလုပ်မိအောင် တားဆီးပိတ်ပင်ပြီး ဆုံးမကြလေသည်။ မိမိတို့ထံ၌ ပညာသင်ဆည်းပူးနေကြသော တပည့်များသည် ပညာရည်ပြည့်ဝပြီး ဆက်လက်သင်ကြားနိုင်ရန် တစ်ဖန်ပြန်ပြီး သူတို့၏ အာရုံ၌ ထည့်သွင်းကြရလေသည်။ အသို့လည်းဟူမူကား မိမိထက် သာစေလိုသော သမ္မာဆန္ဒက ပြင်းပြနေသောကြောင့် မိမိထက် သာသော တော်သော တတ်သော ပညာရည်ပြည့်ဝသော ဆရာကောင်း၊ သမားကောင်းများထံ ထပ်မံ၍ အပ်နှံကြလေသည်။ ဤနေရာဝယ် တစ်ခုလောက်တင်ပြပါရစေ။ အဘယ်နည်းဟူမူးကား-တပည့်ကောင်းမဖြစ်တဲ့သူဟာ ခေါင်းဆောင်းလည်း မည်သည့်နည်းနှင့်မျှ ဆရာကောင်းမဖြစ်နိုင်ပေ..ဟူသော စကားအရ တပည့်ကောင်းမဖြစ်ခဲ့သော ဆရာဖြစ်ပါမူကား ၄င်း၏ တပည့်များကို မိမိကဲ့သို့ အရည်အချင်းတွင်မကပဲ ထို့ထက် တိုးတက်စေသော လမ်းကြောင်းပေါ်သို့ တင်ပေးကြမည်မှာ ဧကန်မလွဲပေ။မည်သို့ပင်ဆိုစေ။ တပည့်ကောင်းမဖြစ်ခဲ့သော ဆရာသမားများသည်ပင် မိမိ၏တပည့်သားသမီးများကို တပည့်ကောင်းဖြစ်ပြီး နောင်တစ်ချိန်မှာ ဆရာကောင်းတွေဖြစ်ပြီး နိုင်ငံသားကောင်းများဖြစ်အောင် မွေးထုတ်ပေးကြသော မိခင်များဟုပင် တင်စားလိုက်ချင်သည်။ထိုသို့မွေးထုတ်ပေးကြသော ပုဂ္ဂိုလ်များကို အသိမှတ်ပြုသောအားဖြင့် အောက်တိုဘာလ လေးရက်နေ့ကို ဆရာများအား ဂုဏ်ပြုလျှက် "ဆရာများနေ့" ဟု သတ်မှတ်ထားခဲ့လေပြီ။ ဆရာများနေ့ ၌ ဆရာများကို ကျေးဇူးဆပ်သောအားဖြင့် ဤမျှတတ်သိနားလည်သော စာသားလေးများဖြင့် ဆရာများကို ကျေးဇူးဆပ်ပါသည်။ သင်ဆရာ၊ မြင်ဆရာ၊ ကြားဆရာ အပေါင်းအား ဦးညွှတ်ဂါရ၀ပြုလျှက်။
ရွှေဘိုသီလာ
